ესპანელი რეჟისორის დავიდ ვიქტორის მინიმალისტური თრილერი, რომელიც სტილით ჰგავს ძმები საფდების- ,,კარგი დროს” და სებასტიან შიფერის- ,,ვიქტორიას“.
წესიერი და სათვალებიანი დანი მომაკვდავ მამას უვლის. მამის გარდაცვალების შემდეგ მისი და ლაურა ურჩევს, ეხლა როცა ლოგინთან მიჯაჭვული მამა მოსავლელი აღარ ჰყავს, გააკეთოს ის რაც სულ უნდოდა და იმოგზაუროს მსოფლიოს გარშემო. თითქოს ოცნების ახდენას წინ არაფერი უდგას, მაგრამ ინტროვერტი დანის გეგმები აირევა, როცა ღამით ბარში ვნებიან და ტატუებიან მილას გაიცნობს.
დამწყები რეჟისორის დავიდ ვიქტორისთვის ეს რიგით მეორე სრულმეტრაჟიანი ფილმია. აღნიშვნის ღირსია ძლიერი ოპერატორული ნამუშევარი უწყვეტი კადრის ეფექტით, მარიო კასას დამაჯერებელი თამაში და რა თქმა უნდა რეჟისორის გამორჩეული თხრობის მანერა.
ზღვარის გადაკვეთა (No matarás)
რეჟისორი: დავიდ ვიქტორი
2020წ. (ესპანეთი)
