მომნუსხველი თრილერი ტომ ფორდისაგან.
ფილმი ორ ისტორიას მიყვება: ერთი რეალურია, მეორე გამოგონილი. რეალურ ისტორიაში არის მთავარი გმირი სიუზანი, წარმატებული ქალი, რომელიც საკუთარ არტ-გალერეას ფლობს და საყვარელი მეუღლე ყავს. მისთვის ეს მეორე ქორწინებაა. პირველი დიდი სიყვარული შეუღლებიდან ორ წელიწადში დაიმსხვრა. მისი ყოფილის უეცარი გამოჩენა სიუზანის ზომიერ ცხოვრებას არღვევს .
17 წლის დუმილის შემდეგ ედვარდი მას მისი პირველი დიდი რომანის ხელნაწერს უგზავნის და წაკითხვას სთხოვს. აქედან იწყება ფილმის მეორე და ძირითადი ისტორია, სადაც რომანის მთავარი გმირი, მისი მეუღლე და შვილი მანქანით დასასვენებლად მიემგზავრება. ღამით გზაზე ისინი ნაძირლების ბანდას გადაეყრებიან, რაც მათ ცხოვრებას რადიკალურად ცვლის… ეს ორი ისტორია მაგიური ძალით ერთმანეთში იხლართება და საოცარ დრამას ქმნის. მსახიობების თამაში, ოპერატორული ნამუშევარი, დეკორაციები, შექმნილი ატმოსფერო, კოსტუმები – ყველაფერი მაღალ დონეზეა. და ეს ყველაფერი ძალდაუტანებლად, ორგანულად, როგორც ტომ ფორდს და როგორც დიდ კინოს შეეფერება..
ღამის ცხოველები (Nocturnal Animals)
რეჟისორი: ტომ ფორდი
2016წ. (აშშ)
