fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ტურისტას (Turistas)

ბრაზილიის პლაჟები, ახალგაზრდა სიმპატიური ტურისტები, გარუჯული ნახევრადშიშველი და შიშველი სხეულები,- უკვე კარგი დასაწყისია საშინელებათა ფილმისთვის, რომელიც მიუხედავად ჟანრისა და დაძაბული სიუჟეტისა, მაინც ვერ გაგვიქრობს ეგზოტიკურ ქვეყნებში მოგზაურობის სურვილს (რაც არ გეგონოთ, რომ ფილმის მინუსია).

ახალგაზრდების ჯგუფი არდადაგებს ბრაზილიის ძნელად მისადგომ და ულამაზეს ადგილებში ატარებს. შეშლილი მძღოლი და ავტობუსის ამოყირავებაც კი ვერ უშლის ხელს მათი გართობის და ბუნებით ტკბობის წყურვილს. ახალი ნაცნობები, ოკეანისპირა ბუნგალო და ადგილობრივებთან ერთად დალევა ეგზოტიკური მუსიკის ფონზე სრული გათიშვით მთავრდება. მეორე დილით კი ისინი აღმოაჩენენ, რომ გაძარცვულები არიან. და რაც მთავარია ვიღაცეები აკლიათ…

თითქოს თავიდანვე ხვდები ვინ გადარჩება ცოცხალი და ვინ ვერა, მაგრამ სასტიკი დაპირისპირება ბოროტ და კეთილ ძალებს შორის იმდენად ეგზოტიკური ბუნების და ადგილების ფონზე მიმდინარეობს ეს საფიქრელი მეორე პლანზე გადადის. ფილმს არანაკლებ ეშხს და ხასიათს მატებს მასში გამოყენებული ტრეკები, ბრაზილიური გიჟური რითმებით და მელოდიებით.

ტურისტას (Turistas)
რეჟისორი: ჯონ სტოკუელი
2006წ. (აშშ)
Turistas (2006) on IMDb
FavoriteLoadingAdd to favorites
Total
0
Shares
წინა
მაღლა და ქვემოთ (Tengoku to jigoku)

მაღლა და ქვემოთ (Tengoku to jigoku)

ყოველ ადამიანშია სამოთხეც და ჯოჯოხეთიც

შემდეგი
არც თარიღი, არც ხელმოწერა (No Date, No Signature)

არც თარიღი, არც ხელმოწერა (No Date, No Signature)

ყველაზე დიდი სასამართლო ადამიანის სინდისია

შეიძლება ასევე დაგაინტერესოთ
Total
0
Share