კინოში ჭკვიანურად რეალიზებული თეატრალური პიესა შესანიშნავი დიალოგებითა და მსახიობების არანაკლებ შესანიშნავი თამაშით.
ბავშვობის მეგობრები ელიზაბეტის და ანრის სახლში ვახშამზე იკრიბებიან. ელიზაბეტის ძმა- ვინსენტი მალე მამა გახდება და მათი საუბარიც ამის გარშემო ტრიალებს. სანამ მისი ფეხმძიმე მეუღლე ანა ამ შეკრებას შემოურთდება, მეგობრები განიხილავენ მომავალი ბავშვის სავარაუდო სახელს. მალე მშვიდი დიალოგი კამათში იზრდება, კამათი კი დაპირისპირებაში, სადაც ზედაპირზე ამოტივტივდება ყველასათვის უცნობი და მოულოდნელი დეტალები მათი ცხოვრებისა.
არ შეიძლება არ მოგხიბლოთ ფრანგი რეჟისორების ფილმის თხრობის სტილმა, ქარიზმატულად აგებულმა დიალოგებმა და მიუხედავად ყველაფრისა, მასში გამეფებულმა სიყვარულის ატმოსფერომ.
სახელი (Le prénom)
რეჟისორები: ალექსანდრ დე ლა პატელიერი, მატიო დელაპორტი
2012წ. (საფრანგეთი, ბელგია)
