fbpx

ძალადობის აფეთქება კლასობრივი დაპირისპირებისა და ზიზღის ფონზე მექსიკელი რეჟისორის მიშელ ფრანკოს ფსიქოლოგიურ დრამაში.

როდესაც სოციალურ კლასებს შორის სხვაობა იმდენად იზრდება, რომ უფრსკული ჩნდება, სახელმწიფო სისტემა სერიოზულ გამოცდას გადის. ამ გამოცდას ხშირად საზარელი, ტრაგიკული შედეგები მოსდევს და სისტემის დანგრევას უამრავი უდანაშაული თუ ნაკლებად დამნაშავე ადამიანი ეწირება.

მაღალი კლასის ლაღი წარმომადგენლების მდიდრული ქორწილი ქუჩებში მასიური არეულობების ფონზე მიმდინარეობს. მაგრამ აქ არაფერს შეიმჩნევა. ეს ყველაფერი ხომ გარეთ ხდება. ფუფუნებით განებივრებულები ვერც კი ამჩნევენ როგორ იჭრება მათ ცხოვრებაში ახალი წესრიგი. წესრიგი, რომელიც ყველას შეეხება. წესრიგი, რომლის მტკივნეული შედეგები ქვეყანას და ხალხს ახალ სატანჯველს პირდება.

ვიზუალური და აუდიო ფსიქოლოგიური წნეხი მთელ ფილმს გასდევს და თავის მარწუხებს ერთი წამით არ ანელებს, რაც ბევრისთვის საკმაოდ მძიმე აღსაქმელი შეიძლება იყოს. თუმცა ფილმი უდაოდ საინტერესო და შემძრავია თავისი დინამიკით, რთული სცენების დადგმით, შოკისმომგვრელი ფინალით.

ახალი წესრიგი (Nuevo orden)
რეჟისორი: მიშელ ფრანკო
2020წ. (მექსიკა, საფრანგეთი)

New Order (2020) on IMDb

FavoriteLoadingAdd to favorites

Cart

შესვლა

ანგარიშის შექმნა
Back to Top