fbpx

რადუ ჟუდეს სატირული ტრაგიკომედია ჩვენი სამყაროს ორმაგ სტანდარტებზე.

სკოლის მასწავლებლის სახლის ვიდეოს პორნო კადრები ინტერნეტში მოხვდება. პირადი ცხოვრების პიკანტური მომენტები საზოგადოების საკუთრება ხდება. იწყება განხილვები სოციალურ ქსელებში. სკოლის ხელმძღვანელობა მშობელთა კრებას აწყობს ამ ინციდენტის განსახილველად და გადაწყვეტილების მისაღებად…

რა არის მისაღები ჩვენს სოციუმში და რაზე ვხუჭავთ თვალებს..არის რაღაცეები რაც ყველამ იცის, აინტერესებს, მაგრამ რატომღაც ტაბუდადებულია, თითქოს სირცხვილია ამაზე საუბარი. რა არის კარგი, რა არის ცუდი? რა არის მისაღები, მიუღებელი რიგითი მოქალაქეებისთვის, ეკლესიური ადამიანებისთვის? ფილმში უამრავი აქტუალური კითხვაა, რომელიც თანამედროვე ცივილური საზოგადოების მხრიდან გარკვეულ პასუხებს ელოდება. ოღონდ მზად არის კი საზოგადოება პასუხი გასცეს ამ კითხვებს, საკმარისად ცივილურია კი იგი ამისთვის…?

ფილმის ფორმატი იმდენად განსხვავებულია, რთულია ანალოგის მოძებნა. შესავალში ღია პორნო კადრებს ბუხარესტის ქუჩების კადრები ცვლის, რომელიც საოცრად ჰგავს რატომღაც თბილისს თავისი ყოველდღიურობით. ფილმის შუა ნაწილი დოკუმენტური და არანაკლებ საინტერესოა მასში მოცემული მასალის მრავალფეროვნებით. ფინალური სატირა კი ისევ იმ საკითხებს ეხება, რომელიც ესე ნაცნობი და პრობლემატურია როგორც ჩანს არა მარტო რუმინული, არამედ ქართული საზოგადოებისათვისაც.

წარუმატებელი ჟიმაობა, ანუ გიჟური პორნო (Babardeala cu bucluc sau porno balamuc)
რეჟისორი: რადუ ჟუდე
2021წ. (რუმინეთი, ხორვატია, ჩეხეთი, ლუქსემბურგი)

Bad Luck Banging or Loony Porn (2021) on IMDb

FavoriteLoadingAdd to favorites

Cart

შესვლა

ანგარიშის შექმნა
Back to Top