თბილი და სევდანარევი რომანტიული ფილმი სიყვარულის ძიებაზე და მარტოობაზე.
რემი და მელანი – მსოფლიოს ყველაზე რომანტიულ ქალაქში-პარიზში ცხოვრობენ. ეს ბევრის ოცნებაა, თუმცა ახალგაზრდა ადამიანებისთვის ეს ბედნიერების გარანტი ნამდვილად არ არის. ისინი თავს მარტოსულად გრძნობენ. ისინი ერთ ქუჩაზე ცხოვრობენ, ერთ ქუჩაზე დადიან, ერთი ვაგონით მგზავრობენ, ერთ მაღაზიაში იძენენ პროდუქტებს, თუმცა ერთმანეთს არასოდეს შეხვედრიან. არადა მათი შეხვედრა ისე შეცვლიდა ორივეს ცხოვრებას. შეძლებენ კი ფილმის გმირები ჩაეჭიდონ შანსს და გადადგან პირველი ნაბიჯი?
ფრანგებმა ბევრ სხვა სიკეთესთან ერთად იციან როგორ გადაიღონ ფილმი სიყვარულზე. სედრიკ კლაპიშის ფილმის გმირები ჩვეულებრივი ყოფითი პრობლემებით დაკავებული ადამიანებია, მაგრამ ისინი ჩვეულებრივზე უფრო მეტად განიცდიან მარტოობასაც, სიყვარულის დეფიციტს და წარსულზეც უფრო მეტად მიჯაჭვულები არიან. თუმცა ეს მათ ხელს არ უშლის იყვნენ თავაზიანები, თბილები და საოცრად კეთილები.
ორი მე (Deux moi)
რეჟისორი: სედრიკ კლაპიში
2019წ. (საფრანგეთი, ბელგია)
