fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ახლო მტრები (Frères ennemis)

ვენეციის კინოფესტივალის ოქროს ლომის ნომინანტი, საოცარი მუხტის და ,,დრაივის” მქონე კრიმინალური დრამა.

ფილმის პირველივე წუთებიდან ეთნიკური მაროკოელების დაჯგუფებას ვადევნებთ თვალყურს, რომელიც პარიზის გარეუბანში დაფუძნებულან. აქ მათი სამყარო, ერთი დიდი ოჯახია, სადაც უცხოსთვის ადგილი არაა, სადაც ყველა ერთმანეთს იცნობს და პატივს სცემს. მანუელიც ამ დიდი ოჯახის წევრია, სადაც ბევრისთვის ნარკოტიკებით ვაჭრობა და სხვა არალეგალური საქმიანობა ცხოვრების წესია.

ამ სამყაროდან პოლიციის სამსახურში წასულები უკვე ბარიკადების მეორე მხარეა და ისინი ოჯახიდან გარიყულად ითვლებიან. მაგრამ ცხოვრებას თავისი მოულოდნელი სიურპრიზები აქვს და რაღაც მომენტში, როცა ღირსების დაცვა გიწევს, აღარ აქვს მნიშვნელობა ბარიკადების რომელ მხარეს ხარ.

რეჟისორი ორი დაპირისპირებული ბანაკის: დამნაშავეთა სამყაროს და წესრიგის დამცველების სამყაროს შორის კონფლიქტის ფონზე გვიყვება პარიზული გარეუბნების და მისი ეთნიკური მაცხოვრებლების დრამატულ ისტორიას. ფილმი თავიდან ბოლომდე თითქოს სიცოცხლისათვის საშიში ,,მაღალი ძაბვითაა” დამუხტული, რაშიც (გარდა რეჟისორისა) ოპერატორს და მსახიობების უშუალო თამაშსაც შეაქვს თავისი ლომის წილი.

ახლო მტრები (Frères ennemis)
რეჟისორი: დევიდ ელჰოფენი
2018წ. (საფრანგეთი)
FavoriteLoadingAdd to favorites
Total
0
Shares
Prev
ვიჯილი (Vigil)

ვიჯილი (Vigil)

Next
გოგონა ბრუნდება სახლში გვიან ღამით. (A Girl Walks Home Alone at Night)

გოგონა ბრუნდება სახლში გვიან ღამით. (A Girl Walks Home Alone at Night)

You May Also Like
Total
0
Share