fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ღამის სახლი (The Night House)

საშინელებათა ფილმების რეჟისორის დევიდ ბრუკნერის დრამატულ-მისტიკური ფილმი სახლში მარტო დარჩენილ სასოწარკვეთილ ქალზე, რომლსაც არაამქვეყნიური კოშმარები სტანჯავს.

ბეთი მეუღლის სიკვდილს ძალიან განიცდის. იგი მის ქალაქგარე ტბის პირა სახლში ძველ ნივთებს ალაგებს, რათა ცოტათი მაინც შეიმსუბუქოს სევდა. მას ღამე კოშმარები და უცნაურად რეალისტური სიზმრები სტანჯავს. ზოგჯერ სიზმარი იმდენად რეალურია, ბეთი ვეღარ ავლებს ზღვარს ცხადს და არარეალურს შორის. იგი უფრო და უფრო გრძნობს მისი გარდაცვლილი მეუღლის ყოფნას სახლში…

ფილმს თამამად შეგვიძლია ერთი მსახიობის კინო ვუწოდოთ. მთელი ქრონომეტრაჟი და ფილმის დრამატიზმი ძალიან ნიჭიერი და საინტერესო ბრიტანელი მსახიობის- რებეკა ჰოლის მხრებზე დგას, რომლის მსგავსად მისტიკურ თემატიკაში ესე ჩაფლობა ცოტას თუ შეუძლია. ისეთ გამოცდილ ჰორორ-რეჟისორს როგორიც ბრუკნერია(რომელმაც კარგად იცის როგორ შეახტუნოს მაყურებელი), არ გაუჭირდებოდა მსახიობის ეს ნიჭი სრულად გამოეყენებინა. მას არ ეშინია მსახიობის ახლო კადრში ჩვენების, რათა მის თვალებში სრულად აღებეჭდოს ის საშინელება თუ განცდები, რაც კამერის მიღმა ხდება.

ღამის სახლი (The Night House)
რეჟისორი: დევიდ ბრუკნერი
2020წ. (დიდი ბრიტანეთი)
FavoriteLoadingAdd to favorites
Total
0
Shares
Prev
Fred again.. – Hannah (The Sun)

Fred again.. – Hannah (The Sun)

Next
Love & Rockets – Haunted When The Minutes Drag

Love & Rockets – Haunted When The Minutes Drag

You May Also Like
Total
0
Share