რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

მართე ჩემი მანქანა (Doraibu mai ka)

რიუსუკე ჰამაგუჩის ჩეხოვის ,,ძია ვანიას” მიმართ უდიდესი სიყვარულით განმსჭვალული სამ საათიანი ფილმი ჰარუკი მურაკამის მოთხრობის მიხედვით.

იუსუკე კაფუკუ თეატრალური რეჟისორი და მსახიობია, რომელიც თეატრში ,,გოდოს მოლოდინში” და ,,ძია ვანია”-ს თამაშობს. მისი მეუღლე ოტო, სცენარისტია. იგი და მისი ქმარი მანქანაში სცენარებს განიხილავენ, რომელიც ოტოს თავში ინტიმური სცენების დროს მოსდის. ერთხელაც იუსუკე სახლში დაუგეგმავად ბრუნდება და მის ცოლს ახალგაზრდა მსახიობთან ერთად საწოლში ნახავს. იგი არაფერს ამბობს და ჩუმად მიდის. რაღაც დროის შემდეგ ოტო ინსულტით იღუპება… და ეს 40 წუთიანი პროლოგია ფილმისა, რომლის შემდეგ საწყისი ტიტრები ჩნდება ეკრანზე.

ჰამაგუჩი ნელი რეჟისორია, მას არსად ეჩქარება, რადგან ბოლომდე უნდა გახსნას მისი ფილმის რთული პერსონაჟები. მისი სიყვარული დიალოგების მიმართ აშკარაა. როგორც აშკარაა მისი სიყვარული ჩეხოვის მიმართ. მეუღლის დაკარგვის შემდეგ იუსუკე ,,ძია ვანიას” დგამს ჰიროსიმაში და ფილმის ძირითადი მოქმედება ამ პროცესს ეძღვნება. ფილმის გმირები განწირულები არიან ჩეხოვის დიალოგებისთვის და იმ დრამისთვის, რომელსაც ცხოვრება უმზადებს ადამიანებს.

მართე ჩემი მანქანა (Doraibu mai ka)
რეჟისორი: რიუსუკე ჰამაგუჩი
2021წ. (იაპონია)
 Drive My Car (2021) on IMDb
FavoriteLoadingAdd to favorites
Total
0
Shares
Leave a Reply
წინა
ვინ აკაკუნებს ჩემს კარებზე? (Who’s That Knocking at My Door)

ვინ აკაკუნებს ჩემს კარებზე? (Who’s That Knocking at My Door)

მარტინ სკორსეზეს ნაკლებად ცნობილი, პირველი სრულმეტრაჟიანი და ყველაზე

შემდეგი
მკვლელობები ერთ შენობაში (Only Murders in the Building)

მკვლელობები ერთ შენობაში (Only Murders in the Building)

სტივ მარტინის კომედიური სერიალი ნიუ-იორკის მრავალსართულიანი სახლის

შეიძლება ასევე დაგაინტერესოთ

STOUCHI USB C TO 3.5MM Adapter

Type C Adapter

Total
0
Share