fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ყველაზე ცუდი ადამიანი სამყაროში (Verdens verste menneske)

ცხოვრებისეული ძიებები და სიყვარულისგან დაპაუზებული სამყარო ,,თელმას” რეჟისორის- იოაკიმ ტრიერის არასტანდარტულ რომანტიკულ მელოდრამაში.

იულია უეცრად მედიცინის უნივერსიტეტში სწავლას თავს ანებებს . რაღაც არ მოსწონს, სხვა უნდა. ფსიქოლოგიის შესწავლა უნდა. არა, აღმოჩნდა ფოტოგრაფია უფრო აინტერესებს. ძალიან მრავალმხრივი ადამიანია. საბოლოოდ წიგნების მაღაზიაში მოეწყობა კონსულტანტად. მალე მასზე ორჯერ უფროსს, კომიქსების ავტორს- აქსელს გაიცნობს. ცხოვრება მიდის თავისი დინებით. მაგრამ არა რა თქმა უნდა იდეალურად. იულია ეძებს საყრდენს, მოსაჭიდს. მას ბევრი რამე არ მოსწონს, არ აწყობს. იულია გაურბის ყოველდღიურ ,,რუტინას”, მოწყენილობას. იგი იკვლევს გარშემო ყველას და ყვლაფერს.

ფილმი 12 თავად, პროლოგად და ეპილოგადაა დაყოფილი. ყოველი ნაწილი მთავარი პერსონაჟის გარკვეულ ცხოვრებისეულ გამოცდილებას და მნიშვნელოვან მომენტებს ეყრდნობა. ეს არის ახალგაზრდა ადამიანების თვალით დანახული დღევანდელი უკომპრომისო სამყარო: მისი ტკივილებით, მისი სირთულეებით, ვნებით, ღალატით და სიყვარულით, ბედნიერი და სევდიანი წუთებით, სიკვდილით, სიცოცხლით…

არ შეიძლება არ აღინიშნოს მთავარი როლის შემსრულებლის რენატა რეინსვეს(კანის კინოფესტივალის პრიზი ქალის მთავარი როლის საუკეთესო შესრულებისათვის) მომხიბვლელობა და განსაკუთრებული ენერგეტიკა, რომლის საოცრად ბუნებრივი თამაშის და შესანიშნავი სცენარის (ესკილ ვოგტი) გარეშე რეჟისორის ჩანაფიქრი არ შედგებოდა.

ყველაზე ცუდი ადამიანი სამყაროში (Verdens verste menneske)
რეჟისორი: იოაკიმ ტრიერი
2021წ. (ნორვეგია)
The Worst Person in the World (2021) on IMDb
FavoriteLoadingAdd to favorites
Total
0
Shares
წინა
გამწმენდი (The Cleaner)

გამწმენდი (The Cleaner)

არასტანდარტული სიტუაციები და შესანიშნავი ბრიტანული იუმორი ერთმანეთთან ერთი

შემდეგი
ჩრდილოეთის წყლები (The North Water)

ჩრდილოეთის წყლები (The North Water)

სასტიკი დეტექტიური დრამა, რომელიც არქტიკის ყინულებში ვითარდება

შეიძლება ასევე დაგაინტერესოთ
Total
0
Share