fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ინიშერინის ბანში (The Banshees of Inisherin)

| მარტინ მაკდონაჰის საკუთარი პიესის მიხედვით დადგმული, ირლანდიური შავი იუმორით გაჯერებული დრამა ორ მეგობარზე, რომელმაც ვენეციის ფესტივალზე ორი ჯილდო მოიპოვა

მარტინ მაკდონაჰის საკუთარი პიესის მიხედვით დადგმული, ირლანდიური შავი იუმორით გაჯერებული დრამა ორ მეგობარზე, რომელმაც ვენეციის ფესტივალზე ორი ჯილდო მოიპოვა(საუკეთესო სცენარი; ვოლპის თასი მამაკაცის საუკეთესო როლისათვის).

ირლანდია. 1920-იანი წლები. ქვეყანაში სამოქალაქო ომი მძვინვარებს. თუმცა ერთ-ერთი პატარა კუნძულის მაცხოვრებლებამდე ეს ნაკლებად აღწევს. კუნძული თავისი მოსაწყენი ცხოვრებით ცხოვრობს. პედრიკი და კოლმი ახლო მეგობრები არიან. დღე არ გაუტარებიათ უერთმანეთოდ. სოფლის ერთადერთ პაბშიც ერთად სხედან და სასმელსაც ერთად ურახუნებენ.


მაგრამ ერთ დღესაც სახლის კარზე მიმდგარ გულუბრყვილო პოდრიკს კოლმი კარს არ უღებს, არც მის ძახილზე რეაგირებს და საერთოდ იგნორს უკეთებს. პოდრიკი შეწუხებულია. მათ შორის თითქოს შავმა კატამ გაირბინა. თუმცა პოდრიკი აზრზე არ არის, რა შეიძლება იყოს მათი მეგობრობის უეცარი შეწყვეტის მიზეზი…?!

ფილმში, რომელშიც ზუსტადაა აღწერილი ირლანდიის ძუნწი მცენარეული საფარის, თუმცა მაინც საუცხოო პეიზაჟები, ტრაგიზმი და კომიზმი ერთმანეთზე რაღაც საოცარი ოსტატობითაა გადახლართული. აქაური პეიზაჟი ერთგვარად პერსონაჟადაც კი გვევლინება, რომელსაც თავისი წვლილი მიუძღვის იმ დრამაში, რომელიც მაყურებლის თვალწინ ვითარდება ორ მეგობარს შორის. თავის თავში ჩაღრმავებული ადამიანი უარს ამბობს მეგობრობაზე და გადაწყვიტავს ხელოვნებას დაუთმოს დარჩენილი დრო, თუმცა ამას თავისი კატასტროფული შედეგები მოაქვს.

ფარელ-გლისონის დუეტი შეუდარებელია. ამ მსახიობების შესანიშნავი თამაში ,,ბრიუგედანაც” კარგად გვახსოვს, თუმცა მათი სამსახიობო ოსტატობა ბრიუგედან ბანშიმდე კიდევ უფრო დაიხვეწა და ახალ სიმაღლეზეა. ახალ სიმაღლეზეა მარტინ მაკდონაჰიც, რომლის ყოველი მომდევნო ფილმი საშემსრულებლო კინოს ახალ საზღვრებს ხსნის და ნამდვილი შედევრია.

ინიშერინის ბანში(The Banshees of Inisherin)
რეჟისორი: მარტინ მაკდონაჰი
2022წ. (ირლანდია)

The Banshees of Inisherin (2022) on IMDb
FavoriteLoadingAdd to favorites
Total
0
Shares
წინა
“La Notte” | Monica Vitti e Marcello Mastroianni

“La Notte” | Monica Vitti e Marcello Mastroianni

Add to favorites

შემდეგი
Activated – MOUNT WESTMORE, Snoop Dogg, Ice Cube, E-40, Too $hort

Activated – MOUNT WESTMORE, Snoop Dogg, Ice Cube, E-40, Too $hort

Add to favorites

შეიძლება ასევე დაგაინტერესოთ
Total
0
Share