ახალი სეზონი კრიმინალური თრილერისა ,,კადრში მოხვედრა” გრძელდება დეტექტივ რეიჩელ ქერის გამოძიებით, რომელიც ისევ საიდუმლო ორგანიზაციის Correction-ის ირგვლივ ტრიალებს. ეს ორგანიზაცია ფეიქ ფოტო და ვიდეომასალის დამზადებითაა დაკავებული, რომელიც ბრიტანეთის უსაფრთხოებას ძირს უთხრის.
ამჯერად უშიშროების მინისტრის ისააკ ტერნერის კარიერა საფრთხის ქვეშ აღმოჩნდება: მისი შექმნილი ფეიქ -ვერსია ავრცელებს დეზინფორმაციას, რაც დიდ სკანდალს იწვევს პოლიტიკურ წრეებში…
სერიალის მე-2 სეზონის პრემიერა 2020 წელს უნდა შემდგარიყო, მაგრამ პანდემიამ თავისი კორექტივები შეიტანა მასში, თუმცა მისი თაყვანისმცემლების სასიხარულოდ იგი ისევ გრძელდება და სიუჟეტს არც ინტრიგა მოჰკლებია, არც დაძაბულობა.