მიწისქვეშეთი და დრაკონები: ღირსება ქურდებს შორის (Dungeons & Dragons: Honor Among Thieves) - ID•U
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

მიწისქვეშეთი და დრაკონები: ღირსება ქურდებს შორის (Dungeons & Dragons: Honor Among Thieves)

იგივე სახელწოდების სამაგიდო თამაშის მიხედვით შექმნილი ფენტეზი, რომელიც ჟანრის კლასიკად გადაქცევას გვპირდება.

Regé-Jean Page, Michelle Rodriguez, Chris Pine, Sophia Lillis & Justice Smith / Paramount Pictures

მოხერხებული ბარდი ეჯინი (Chris Pine) და ჩხუბისთავი ჰოლგა (Michelle Rodriguez) ციხიდან გარბიან, სადაც ისინი წარუმატებელი ძარცვის შედეგად აღმოჩნდნენ. მათი გადარჩენილი ბანდის წევრი ფორჯი (Hugh Grant) ნაქურდალის შენახვას და ეჯინის შვილის მფარველობას თავის თავზე იღებს, თუმცა სანამ მეგობრები ციხეში ზიან, იგი ბოროტ ჯადოქარს ეკვრება და მდიდარი ქალაქის მმართველი ხდება, რის შემდეგაც აღარ სურს ძველი მეგობრების ნახვა და მათი კუთვნილის უკან დაბრუნება. ფორჯზე შურის საძიებლად, შვილის უკან დასაბრუნებლად და არტეფაქტის ხელში ჩასაგდებად, რომელიც მის მეუღლეს გააცოცხლებს, ეჯინი ახალ გუნდს კრიბავს: ჰოლგას გარდა მასში ახალგაზრდა, გამოუცდელი მაგი და სხვადასხვა ცხოველებად გარდასახვის უნარის მქონე გოგონა-დრუიდი შედის. ცოტა მოგვიანებით მათ სწორუპოვარი მორალის და ბრძოლის უნარებით დაჯილდოებული პალადინი უერთდება.

Hugh Grant as Forge / Paramount Pictures

1974 წლის სამაგიდო როლური თამაშის, რომელიც გერი გეიგექსმა და დეივ არნსონმა შექმნეს, ეკრანზე გადატანის ადრინდელი მცდელობა წარუმატებელი აღმოჩნდა, თუმცა ფილმის შემქმნელები ამან არ შეაშინა. საერთოდ ამ თამაშის ფილმად ქცევას თავისი ისტორია აქვს: ჯერ კიდევ სავსებით ჭაბუკი კანადელი თამაშის ფანი კორტნი სოლომონი წლების განმავლობაში არწმუნებდა ჰოლივუდს თამაში მასშტაბურ საეკრანო პროექტად ექციათ (საქმე ლამის ჯეიმს კემერონამდე მივიდა), ჯამში თვითონ აღმოჩნდა სარეჟისორო სკამზე და საბოლოოდ ყველა ფრონტზე ჩავარდა. ფილმი არ გამოვიდა. თუმცა აქედან მოყოლებული ათწლეულების განმავლობაში ბევრი რამ შეიცვალა: ვიზუალური ეფექტები საერთოდ სხვა დონეზე გავიდა, ფენტეზი მარგინალური ჟანრიდან ძალზედ მოთხოვნად და ყურებად ჟანრად იქცა.

Sophia Lillis as Doric the druid. Paramount Pictures

,,Game Night”-ის რეჟისორებმა, ჯონ ფრენსის დეილიმ და ჯონათან მ. გოლდშტეინმა ყოველი ეს კომპონენტი ზომიერად გამოიყენეს და სათავგადასავლო და ფენტეზის ჟანრის მოყვარულებისთვის ბრწყინვალე სადღესასწაულო ტორტი გამოაცხვეს, რომელსაც ზემოდან კარგად შექმნილი, გამორჩეული გმირები ადგას, ხოლო შიგთავსს უკვე კლასიკად ქცეული, უნიკალური თამაშის საოცარი გემო აქვს.

მიწისქვეშეთი და დრაკონები: ღირსება ქურდებს შორის (Dungeons & Dragons: Honor Among Thieves)
რეჟისორები: ჯონ ფრენსის დეილი, ჯონათან გოლდშტეინი (John Francis Daley, Jonathan Goldstein)
2023წ. (აშშ)

ხანგრძლივობა: 2 საათი 14 წუთი

80/100
ჩვენი შეფასება

Total
0
Shares
წინა
Her – Video Game Scene

Her – Video Game Scene

| ნაწყვეტი სპაიკ ჯონზის 2013 წლის ფილმიდან

შემდეგი
ფერფლი, ყველაზე სუფთა თეთრი (Jiang hu er nu)

ფერფლი, ყველაზე სუფთა თეთრი (Jiang hu er nu)

| ცზიუ ჩჟანკეს მიერ მოთხრობილი სიყვარულის ისტორია თანამედროვე ჩინეთის

შეიძლება ასევე დაგაინტერესოთ

STOUCHI USB C TO 3.5MM Adapter

Type C Adapter

ID•U
Total
0
Share