ჩემი ოთახი - ID•U
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

სოსო ბლიაძის დრამა თანამედროვე ადამიანების თბილისური ცხოვრების წესზე, მათ ფასეულობებზე, სასოწარკვეთილებაზე და სიყვარულის ძიებაზე პანდემიის პირობებში.

უწყინარი პროვინციელი თინა თბილისის იტალიური ეზოს ტიპის სახლში ოთახს ქირაობს, რომლის საფასურსაც მისივე თაობის გოგოსთან იყოფს. მეგი საკმაოდ პრაგმატული და პირდაპირი გოგონაა, რომელიც სახლში ცხოვრების წესებსაც თვითონ ადგენს და სხვასაც კარნახობს. მის დღის წესრიგში კი ხმაურიანი წვეულებები და ყოველი აკრძალულის მიმართ ინტერესი ჩვეულებრივი მოვლენაა. თანამობინადრეები ერთი შეხედვით რადიკალურად განსხვავდებიან ერთმანეთისგან, თუმცა ბედისწერა ერთ ჭერქვეშ შეყრილ ორ ახალგაზრდა ქალს უცნაურად აკავშირებს ერთმანეთთან.

ფილმი თანამედროვე ქართული ყოფის ბევრ პრობლემას ეხება, პირველ რიგში კი ქალების რთულ და ხშირად ტრაგიკულ ბედს ჩვენს საზოგადოებაში. ფილმი რეალიზმის და ყოფითი წვრილმანების წარმოჩენის კუთხით ძალზედ გამოიყოფა. ნატურაზე და ცისფერ შუქზე გადაღებული სცენები, ხშირად ნეიტრალური კამერა, მსახიობების არა თეატრალური თამაში ამ ჟანრს ძალიან ადგება. დიალოგებიც საკმაოდ ყოფითია და რეალობის ამსახველი, თუმცა ზოგჯერ დროში გაწელილი და პერსონაჟების რაღაც სიტყვების გარჩევაც იშვიათად მაგრამ ძნელდება. მსახიობების თამაში საკმაოდ დამაჯერებელი და იმედისმომცემია. მთლიანობაში თამამი სიუჟეტური გადახვევების, მყარი რეჟისურის და მსახიობების ბუნებრიობის ხარჯზე ფილმი კარგად გამოიყურება.

ჩემი ოთახი (A room of my own)
რეჟისორი: იოსებ “სოსო” ბლიაძე
2022წ. (საქართველო; გერმანია)

ხანგრძლივობა: 1 საათი 47 წუთი

Total
0
Shares
წინა
Baby Driver – Opening Scene

Baby Driver – Opening Scene

| ედგარ რაითის 2017 წლის ფილმის 'Baby Driver'-ის დაწყება

შემდეგი
Limitless – chase scene

Limitless – chase scene

| დევნის სცენა, ნაწყვეტი ნილ ბერგერის 2011 წლის ფილმიდან 'Limitless'

შეიძლება ასევე დაგაინტერესოთ

STOUCHI USB C TO 3.5MM Adapter

Type C Adapter

ID•U
Total
0
Share