ორი უმუშევარი, ცხოვრებისგან შელახული ადამიანი ცდილობს შანსი გამოიყენოს, რომელიც ბრმა ბედისწერამ შემთხვევით არგუნა…
სერიალის ისტორია ორი ძირითადი პერსონაჟის ირგვლივ ვითარდება, რომლებიც ოკეანის სანაპიროზე სეირნობისას სრულიად შემთხვევით ნაპირზე გამორიყულ პატარა გემს გადააწყდებიან, სადაც დიდი ოდენობის ნარკოტიკებია დამალული.
იმის სანაცვლოდ რომ პოლიციაში დარეკონ (ნარკოტიკებთან ერთად გემბანზე ორი გვამია), ლონდონელი სემუელი (რომელმაც თამაშზე დამოკიდებულების გამო სახლი დაკარგა) არწმუნებს მის ახლადგამომცხვარ პარტნიორ ჯანეთს (რომელმაც ფაბრიკაში მუშაობისას ხელი დაკარგა) ნარკოტიკები დაიტოვენ და მისი რეალიზაცია მოახდინონ. მათ წარმოდგენაც არა აქვთ რა ზომის და წონის პრობლემებს შეიძლება წააწყდნენ მსგავსი გეგმის განხორციელებისას…
სერიალის შემქმნელები ჰარი და ჯეკ უილიამსებია, რომელთა კისერზე არაერთი საინტერესო პროექტია (The Tourist 2022-2023; The Missing 2014-2016). მათი ახალი სერიალის თხრობის სტილი და ირონია რამდენადმე მოგვაგონებს კოენების ,,ფარგოს”, თუმცა აქ მოქმედება ბრიტანეთის კუნძულზე ვითარდება და მოქმედი პირებიც უმეტესწილად ბრიტანელები არიან, რასაც თავისი ხიბლი და ორიგინალურობა შემოაქვს ისტორიაში.
გემის ისტორია Boat Story
შემქნელები: ჰარი უილიამსი, ჯეკ უილიამსი
2023წ. (დიდი ბრიტანეთი)
Add to favorites 
