ასლი ნამდვილია (Copie conforme) - ID•U
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ასლი ნამდვილია (Copie conforme)

ჯეიმსი- ბრიტანელი მწერალი, იტალიაში ჩამოდის კონფერენციაზე, რომელიც მიძღვნილია ხელოვნებაში კოპიების და ნამდვილი ასლების პრობლემებზე. იგი გაიცნობს ფრანგ ქალბატონს, რომელიც ნახატების გალერეას ფლობს. ჟულიეტ ბინოშის გმირი მას სასეირნოდ ეპატიჟება. იგი თანხმდება. ისინი სეირნობენ, საუბრობენ. ჯეიმსი მას წიგნებზე ხელს უწერს, იგი კი მას სხვადასხვა კითხვებით ართობს. მაყურებლისა და თავიანთი თავის შეუმჩნევლად ისინი ცოლ-ქმრის თამაშს იწყებენ. იტალიურ კაფეში ერთი ქალი მათ წყვილად მიიღებს, ჟულიეტ ბინოში არ ეწინააღმდეგება. და აი აქ ხდება საოცრება. ფილმის გმირების დიალოგი, ურთიერთობა უცებ საოცრად რეალური ხდება.

ფილმი მეუღლეებს შორის ურთიერთობაზე ბევრია. რა თქმა უნდა ბევრია მათ შორის ფალსიფიცირებული და არადამაჯერებელი. ირანელი რეჟისორი, აბას კიაროსტამი თავიდანვე მიგვანიშნებს, რომ ისტორია შეთხზულია. 2010 წლის ოქროს პალმის რტოს ნომინანტი ,,ასლი ნამდვილია” – ესაა ფილმი იმაზე, რომ ზოგჯერ კარგად გათამაშებული ურთიერთობები გაცილებით რეალური და პატიოსანია ნამდვილზე. მთელი ფილმი ესაა დიალოგები იტალიურ, ფრანგულ და ინგლისურ ენებზე. ესაა ჭკვიანი და სერიოზული ფილმი ურთიერთობაზე, სიყვარულზე, სადაც არ უნდა ველოდოთ პასუხებს კითხვებზე- თუ როგორ გადავარჩინოთ ქორწინება ან შევინარჩუნოთ სიყვარული. ეს ის ფილმია, რომელიც არაა აუცილებელი გაიგო, იგი საკმარისია შეიგრძნო.

ასლი ნამდვილია (Copie conforme)
რეჟისორი: აბას კიაროსტამი 2010წ.
(საფრანგეთი, იტალია, ბელგია, ირანი)

Total
0
Shares
Leave a Reply
წინა
მკვლელი სიტყვები (Palabras encadenadas)

მკვლელი სიტყვები (Palabras encadenadas)

მანიაკისა და მისი მსხვერპლის სიკვდილ-სიცოცხლის თამაში

შემდეგი
Sleaford Mods – Mork n Mindy Ft. Billy Nomates

Sleaford Mods – Mork n Mindy Ft. Billy Nomates

Album: Spare RibsRelease date: 15

შეიძლება ასევე დაგაინტერესოთ

STOUCHI USB C TO 3.5MM Adapter

Type C Adapter

ID•U
Total
0
Share