სემი კაზინოს მფლობელი და აზარტის მოყვარულია, რომლისთვისაც ცხოვრების აზრს ფორტუნასთან თამაში წარმოადგენს. თომასი დამწყები ქურდია, რომელიც შეიგრძნობს რა არის გამართლება, როცა ავიაკატასტროფაში ცოცხალი გადარჩება. ფრედერიკო კი საშინელ მიწისძვრას გადაურჩება და აღმოაჩენს უნარს, რომ შეუძლია ფორტუნა მოპაროს სხვა ადამიანებს. ფედერიკო და თომასი იწყებენ მოგზაურობას, სადაც ელით უცნაურ გამოცდათა სერია და სადაც მთავარი მიზანი- გადარჩენაა. მათ მიეცემათ შანსი სემს შეხვდნენ. უკანასკნელი შანსი. რადგან მხოლოდ ერთი უნდა გადარჩეს…
რა როლს თამაშობს ჩვენს ცხოვრებაში სიტყვა ,,ბედისწერა”, ,,ფორტუნა”. ყველაფერი წინასწარ არის განსაზღვრული თუ ჩვენზეა დამოკიდებული? ფილმის გმირები ის ხალხია რომლებსაც უმართლებთ. ზოგს მეტად, ზოგსაც ნაკლებად. და ამისთვის მთელი იატაკქვეშეთური ინდუსტრიაა შექმნილი, რომ ეს დაადგინონ: ვინ უფრო იღბლიანია…
ინტაქტო (Intacto)
რეჟისორი: ხუან კარლოს ფერსნადილო
2001წ. (ესპანეთი)
