fbpx
რას ვუყუროთ..რას მოვუსმინოთ?
სხვადასხვა კრიტერიუმებით ძებნისას ხშირად გამოგვრჩება ხოლმე ფილმები, სერიალები თუ მუსიკა, რომლებიც ნამდვილად ჩვენი ყურადღების ღირსია.
ID•Ur Sound-ის მიზანია გამორჩეული და იშვიათი ძველი თუ ახალი მუსიკა, ფილმები და სერიალები ერთ სივრცეში მოაქციოს ასარჩევად.

ადამიანი კბენს ძაღლს (C’est arrivé près de chez vous)

საკულტო ფილმი-შავი პაროდია იმაზე, თუ რა რაოდენობის აგრესია და ძალადობა ტრანსლირება ჩვენს ტვინში კინოსა და ტელევიზიის საშუალებით.

გადამღები ჯგუფი დაყვება და იღებს სიუჟეტს ერთი ადამიანის შესახებ. ფილმის მთავარი გმირი ბენი პირველი წუთებიდან წარმოგვიდგება, როგორც საინტერესო და ინტელექტუალური ახალგაზრდა მამაკაცი, რომელიც ერკვევა მუსიკალურ ინსტრუმენტებში, აქვს თავისი აზრი ამა თუ იმ მოვლენაზე, არის კარგი მოსაუბრე და მისი ხუმრობებიც აქტუალურია. ზოგჯერ ალკოჰოლი მეტი მოსდის, მისი თეთრი ლექსები და მსჯელობა აბსურდამდეც შეიძლება მივიდეს, მაგრამ ვის არ მოსვლია..? თუმცა საქმე სხვა რამეშია…ბენი- სერიული მკვლელი და სასტიკი მოძალადეა, ზემოთ ჩამოთვლილ ყველა სიკეთესთან ერთად ადამიანებს კლავს და ამას საკმაოდ ვირტუოზულად აკეთებს. და ეს ფილმში იმდენჯერ ხდება, ამას გადამღები ჯგუფიც და ჩვენც, მაყურებელიც ვიღებთ და ვეჩვევით.

,,თუ ძაღლი კბენს ადამიანს ეს სიახლე არ არის, რადგან ეს ხშირად ხდება. სიახლეა, როცა ადამიანი კბენს ძაღლს”- ჩარლზ ანდერსონ დანას (გაზეთ ,,ნიუ იორკ სანის” გამომცემელი) ეს სიტყვები ამ ფილმში განსაკუთრებულ მნიშვნელობას იძენს, რადგან ფილმში კულტურული თუ მრავალსაუკუნოვანი ევოლუცია განვლილი პერსონაჟის უკან იმალება სამყაროს ყველაზე სასტიკი და სისხლიანი არსება – ადამიანი. ფილმის ფსევდო დოკუმენტური სტილი გვიქმნის ასპროცენტიანი რეალობის შეგრძნებას და გვაჯერებს რაც ხდება ეკრანზე, რაც თავისთავად ფილმის შემქმნელების და შესანიშნავი მსახიობის- ბენუა პულვორდის დამსახურებაა.

ადამიანი კბენს ძაღლს (C’est arrivé près de chez vous)
რეჟისორები: ბენუა პულვორდი, რემი ბელვო, ანდრე ბონზელი
1992წ. (ბელგია)
Man Bites Dog (1992) on IMDb
FavoriteLoadingAdd to favorites
Total
0
Shares
წინა
Lana Del Rey – White Dress

Lana Del Rey – White Dress

Add to favorites

შემდეგი
უსასრულობის შესახებ (Om det oändliga)

უსასრულობის შესახებ (Om det oändliga)

შვედი რეჟისორის- როი ანდერსონის ფილმი მოკლე ნოველების და მინიატურების კრებულია,

შეიძლება ასევე დაგაინტერესოთ
Total
0
Share