მ ნაით შამალანის სააგარაკო სახლში დატრიალებული აპოკალიპტური თრილერი.
გეი წყვილს, რომელსაც პატარა გოგონა ჰყავთ ნაშვილები, მათ ქალაქგარე სახლში უცნაური სტუმრები ,,ესტუმრებიან”. სახლში შეჭრის შემდეგ დაუპატიჟებელი ოთხეული ცდილობს დაარწმუნოს წყვილი, რომ მხოლოდ მათ გადაწყვეტილებაზეა დამოკიდებული სამყაროს ბედ-იღბალი. ერიკი და ენდრიუ მათ ფსიქოპატებად თვლიან და ცდილობენ მათი საშინელი მოთხოვნის თავიდან როგორმე აცილებას…
მოულოდნელი ფინალების და აპოკალიფსის დიდოსტატი მ ნაით შალამანი ჩვეულ ამპულას არ ღალატობს და ახალ ფილმშიც ახალ თავსატეხს უჩენს მაყურებელს. ამჯერად მან აპოკალიფსის თემაზე შექმნილი პოლ გ. ტრემბელის რომანი აირჩია, ოღონდ ფინალი თავისებურად გადააკეთა.
შამალანის თითქმის არცერთ ფილმს (გამონაკლისი მხოლოდ ,,გოგონა წყლიდანაა” ), მიუხედავად კრიტიკოსების მხრიდან მათი არაერთგვაროვანი შეფასებისა, ჩავარდნა არ ჰქონია და ბევრი მათგანი კომერციულად მომგებიანი აღმოჩნდა. სტუდიებს კი ესეთი რეჟისორები უყვართ, მათ ენდობიან. ამიტომ ის არც ჟანრობრივ ექსპერიმენტებს წყვეტს, არც მაყურებელს აწყენს და მუდმივად ,,სასპენსში” ამყოფებს. მისი ნამუშევრები მინიმუმ ახალ ინტრიგას, რაღაც სიახლეს გვპირდება, ეს კი საკმარისიაა იმისთვის, რომ კარგად მოვკალათდეთ და მისი ახალი ფილმი არ გამოვტოვოთ.
კაკუნი კარზე (Knock at the Cabin)
რეჟისორი: ნაით მ შამალანი
2023წ. (აშშ)
Add to favorites 
